Albisteak
Emakumeak oholtzara saioa izango da Portalen, Olatz Salvadorren eskutik
— 2022-03-28Bargaztak talde feministak, Portalek eta 3Z elkarteak Udalaren laguntzarekin antolatutako Feminismotik (H)astea! egitarauaren baitan, Emakumeak oholtzara saioa izango da asteazkenean, arratsaldeko 18:30ean, Portalen. Olatz Salvador abeslaria izango da bertan eta musikaren industriaz arituko da, genero ikuspegitik.
Saioaren hasieran aurkezpen txiki bat egingo du eta ondoren Emakumeak oholtzara dokumentala emango dute. Dokumentala amaitutakoan, eztabaidarako eta hausnarketarako unea izango da, eta amaieran kantu sortatxoa eskainiko du Salvadorrek.
Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide!
Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.
Egin zaitez bazkide
Egin zaitez bazkide