Albisteak

Emakumeen partidak irekiko du Txokoko Txapelketako finalaren jaialdia

— 2017-07-06

Aurreko ostiralean zen jokatzekoa txapelketako finala, baina eguraldiak eragotzi zuen. Hala ere, pasa den astean jaialdiko lehen paritda jokatu ahal izan zen, eta ostiral honetarako partida bakarra gelditu zen jokatzeke. Gauzak horrela, txapelketaren antolatzaileek jaialdiari hasiera emateko beste partida bat antolatzea erabaki zuten eta Arroagoiko Naroa Agirre pilotariari esan zioten ea nesken arteko partida bat antolatuko zuten. Horrela, Naroa-Maddi eta Alaitz-Eneritz bikoteek frontoi luzean jokatuko dute biharko jaialdiari hasiera emango dion partida. Arroagoiko pilotariaz gain, Azpeitiko eta Azkoitiko pilotariek osatu dituzte bikoteak.

Honako hauek izango dira biharko jaialdiaren ordutegiak:

18:00etan Frontoi luzean, Naroa-Maddi / Alaitz-Eneritz
Ondoren Txokoan, Adonis-Aitzol / Jon-Josu (2017ko Txokoko Txapelketako Finala)

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide