Albisteak

Energia berriztagarriei buruzko maketen erakusketa prestatu dute Arroa, Aizarna eta Zestoako ikasleen lanekin

— 2024-05-24

2030 Agendako jardueren esparruan, Arroa, Aizarna eta Zestoako eskoletako ikasleek energia berriztagarriei buruzko maketak sortu dituzte. Lan hauekin erakusketa prestatu dute eta Arroabeko Elkargunean egon da ikusgai, gaur 17:00etatik 18:00etara izango da bertaratzeko azken aukera.

Arroako aurkezpenaren ondoren, erakusketa Aizarnara eta Zestoara eramango da jende gehiagok lan hauetaz goza dezan.

2030 Agenda NBEko estatu kide guztiek 2015ean onartutako ekintza-plan globala da, pobrezia desagerraraztea, planeta babestea eta 2030erako guztiontzako oparotasuna bermatzea helburu duena. Agenda horrek Garapen Jasangarriko 17 Helburu (ODS) biltzen ditu, besteak beste, klimaren aldeko ekintza, energia eskuragarria eta ez-kutsatzailea, eta kalitatezko hezkuntza.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide