Enpresa sortu berri dutenei edota jarrera ekintzailea dutenei baliabideak eskuragarri jarri, ikusgarritasuna eman eta babesa eskaintzen dien gunea da KLINK.
KLINK programa, Iraurgi Berritzen Garapen Agentziak eta Urkome, Urola Kostako Landa Garapenerako Elkarteak sustaturiko egitasmoa da eta bere helburu nagusia, Urola Erdiko ekintzailetza sustatzea da.
Horretarako, helburu desberdinekin eskaintzen diren baliabideak hiru ataletan bereizten dira;
- KLINK Bide: ekintzailearen ibilbidean bidelagun izatea du helburu. Horretarako, enpresa kudeaketarako erremintak eskura jarri eta enpresa sortu ondorengo hiru urteetan jarraipen zerbitzua ematen da.
- KLINK Atari: ekintzailea eta honek sortutako enpresa berriari ikusgarritasuna ematea du helburu. Horretarako, ekintzaileak komunikazio era desberdinetan ezagutzera emango dira; ikastetxeetako sentsibilizazio saioetan, elkarrizketetan, sare sozialetako difusioan, e.a.
- KLINK Gune: ekintzaileak elkarren artean kezkak zein ideiak partekatzeko edota beraien arteko sinergiak sortzeko espazioa da. Horretarako, kafe tertuliak eta intereseko jardunaldiak antolatzen dira.
Ondorengo hilabeteetan izango duzu gure berri.
Ausartzen al zara ekintzaile izatera?