Otsaila 2026
— 2026-03-02Irakurri 279. zenbakia hemen.
Albisteak
Festetako egitarauaren azala aukeratzeko lehiaketa
Danbolin— 2016-08-04Zestoako Udalak Amabirjin Jaietako egitarauaren azala aukeratzeko lehiaketa aurkeztu du. Hemen dituzue lehiaketako oinarriak:
- Zestoan erroldatuta egon behar da.
- Bakoitzak gehienez hiru lan bidal ditzake.
- Lanak jatorrizkoak, argitaragabeak eta beste inolako lehiaketatan saritu gabeak.
- Egitarauaren azalaren neurriak: 21 x 21 zm.
- Lanek, ondorengo testu hauetariko bat eraman beharko dute: Zestoa Amabirjinak 2016, Zestoa Herri Jaiak 2016 edo Zestoa Festak 2016
- Saria: 250 euro.
- Lanen aurkezpena: lan bakoitzarekin batera, karta-azal baten barruan, egilearen datuak eta Nortasun Agiriaren zenbakia idatziko dira. Lanaren atze aldean berriz, Nortasun Agiriaren zenbakia. Hori guztia (karta-azala lehiakidearen datuekin eta aurkeztu behar den lana), beste karta-azal baten barruan aurkeztuko dira.
- Epaimahaia: Kultura Batzordea eta hark izendaturiko beste edozein.
- Lanak aurkezteko epea: abuztuak 12a, Zestoako Kultur Etxean edo Udaletxean.
- Saritutako lanaren jabea Zestoako Udala izango da eta horrek, sari banaketa ondoren, eman dezake argitara. Kasu honetan, egileak ez diezaioke Udalari inolako ordainik eska.
- Oinarri hauetan jasotzen ez den edozein gorabeheratan, epaimahaiak izango du erabaki ahalmena. Lehiaketa honetan parte hartzeak berarekin dakar oinarri eta baldintza hauek guztiak onartzea.
Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 36 euroko diru ekarpena egiten duten 400 bazkidetik gora ditugulako izan da. Mila esker bazkide!
Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.
Egin zaitez bazkide
Egin zaitez bazkide
Egin zaitez bazkide
IRUZKINDU