Albisteak

Zubiaurreko aisigune berria gaur arratsaldean zabalduko da. Dagoeneko Irikaitz denbora lerroa proiektuko pumptrack zirkuitua amaitu da eta oraindik Zestoako ondare arkeologikoari buruzko panel informatiboak jartzea falta bada ere, zirkuitua gaur zabalduko da.

Irailean, gunea erabat amaitzen denean inauguratzeko asmoa dago eta haur eta nerabeentzat ikastaro bat antolatuko da adituak diren begiraleekin, zirkuituaren erabileraren inguruan aholkuak eta jarraibideak emanaz.

Gaurtik aurrera eremua erabiltzen hasiko direnei, eremua txukun eta garbi mantentzeko deia egiten zaie. Bakoitza bere zaborraren arduradun eginez, eta gauza bakoitza dagokion ontzian botaz. Eremu guztiak dira garbi mantendu beharrekoak baina ibai ondo batean, ingurune naturala izanik, zikinkeriak naturari eginiko kaltea benetan larria izan daitekeela kontuan hartzeko eskatzen zaie herritarrei.