Albisteak

Zestoako Gazte Asanbladak herritarrak deitu ditu uztailaren 19rako, Elizondo eraikineko gaztetxea defendatzeko. Kideek salatu dutenez, Elizak “beharrezko bide legal guztiak” erabili ditu horiek husteko eta “ekonomikoki zigortzeko”, eta udalaren borondatearen “hutsalkeria” ere kritikatu dute.

Agerraldian, Gaztetxeak gazteen artean “kezka sozial eta politikoa pizteko” duen garrantzia azpimarratu zuten, egindako ekimenak eta urte eta erdian zestoarrengandik jasotako babesa azpimarratuz. Herritarrei eskerrak eman zizkieten emandako babesagatik, eta bera gabe egindako ahaleginak “zentzurik ez” zuela adierazi zuten.

Kideek argudiatzen dutenez, “diru goseak eta jabetzak menderatutako gizarte batean, legeak jabetza pribatua defendatzen du”, eta hori berehalako utzaraztean islatzen da. Eliza eta Zestoako Udala kritikatu dituzte, egoera konpontzeko ezer egin ez dutelako, legezko bide guztiak erabiliz haiek husteko eta ekonomikoki zigortzeko.  Elizari leporatu diote nahiago duela bere jabetzarekin espekulatu, Gaztetxeak bere gizarte-lanarekin jarrai dezan utzi beharrean.

Azkenik, proiektuarekiko konpromisoa berretsi zuten, eta iragarri zuten lanean jarraituko dutela husteko egunera arte, herritarren mobilizazioak eta haien ahaleginak hustea geldiarazi eta Gaztetxearen etorkizuna ziurtatuko dutelakoan.

Udal Batzarrean Mikel Arregi, alkatearekin aurrez-aurre

Prentsaurrekoaren ondoren, 18:00ak aldera udaletxeko areto nagusian ospatzen ari zen Udal Batzarrera sartu ziren, bertan, komunikatua irakurri eta alkatarekin solasaldia egin zuten.

Alkateak bere aldetik, egoeraren diagnostiko okerra egiten ari direla esan zien,  eztabaidatzeko erantzukizunak, era konpartitu batean hartu behar direla. Udalak behin eta berriz biltzeko arazorik ez duela berretsi zuen, baina batek zubiak apurtu izana leporatu zien.

Gazte asanbladakoek, bere aldetik, beste behin ere, eta benetan prest badaude, egoera honen aurrean udalak duen erantzunkizunari heltzeko errepikatu zioten, arazoari konponbide bat emateko eskatuz.

Arregik proposamen zehatzak esaktu zizkien eta ZGAkoek Zentroko Gaztetxea eskuratzeko, udalak sahiakera nahikoak ez egin izana egotzi zioten.