Albisteak

‘Gerrak ez du emakume aurpegirik’ liburua izango du hizpide Zestoako irakurle taldeak

Bihar arratsaldean bilduko da Zestoako irakurle taldea. Oraingoan, Svetlana Aleksievitx idazle eta kazetari bielorrusiar, eta Nobel saridunaren Gerrak ez du emakume aurpegirik liburua izango dute hizpide. Bigarren Mundu Gerran frontean aritutako emakumeen testigantzak biltzen ditu liburuak. Ohi bezala, Danele Sarriugarte idazle elgoibartarra arduratuko da saioa gidatzeaz. Iker Sancho irakasle eta itzultzaileak itzuli zuen liburua eta Elkar argitaletxeak argitaratu zuen 2017an.

Informazio gehiago irakurle taldearen blogean.