Albisteak

Hasi dira Gurutzeaga pilotaleku aurreko errepidea eta espaloiak berdintzeko lanekin

— 2020-11-09

Gaur goizean hasi dira Gurutzeaga pilotaleku aurreko errepidea eta espaloiak berdintzeko lanekin. Zestoako Udalak eta Zestoan Merkatari Elkartearen elkarlanetik sortutako proiektua da eta helburuak, oinezkoei lehentasuna eman eta gune hori biziberritzea dira.

Asteak beharko dituzte lanak amaitzeko eta eragina izango dute kale horretako trafikoan: Zumaia eta Azpeiti aldera bertatik atera ahal izango da baina Zumaia aldetik datozenek Enekosauztegi kaleko aldapatik (Txanpinoia eta Mediku Etxearen ondoan dagoena) sartu beharko dute herrigunera.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide