Albisteak

Covi-19ak positibo emanda edo berrogeialdian daudenek, Udalari edo Mankomunitateari jakinarazi behar diote

— 2020-04-01

Zestoako Udalak atzo, asteartea, izan zuen Covid-19 birusarekin kutsaturiko lehen herritarraren berri, egunero bezala, eguerdian Osasun Sailak datuak argitaratu zituenean. Horren harira, ohar bat kaleratu zuen ondorengoa gogoraraziz:

Kutsaturiko herritarra ospitalean dago eta, Udalak jakin ahal izan duenaren arabera, hainbat herritar berrogeialdian daude, badaezpada.

Zestoako Udalak positiboa eman edota berrogeialdian dauden herritarrei dei egiten die beraien egoera Udalari (943 147 010) edo Urola Erdiko Mankomunitateari (943 857 319) jakinarazi diezaioten. Datuen babeserako legea medio, Osakidetzak ezin dio Udalari informazio hori eman, eta oso garrantzitsua da Udalak datu horiek izatea hondakinen bilketan beharrezko neurriak hartu ahal izateko eta kutsatze arriskua gutxitzeko.

Behin kasuaren berri izanda, Urola Erdiko Mankomunitatea arduratuko da positibo eman duenari edota berrogeialdian dagoenari hondakinak botatzeko jarraitu beharreko prozedura azaltzeaz.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide