Albisteak

Haur eta gaztetxoentzako ekintzak antolatu ditu Alima Dantza taldeak

— 2016-09-29

Ikasturte berrirako haur eta gaztetxoentzat ekintzak antolatu ditu Alima Dantza taldeak. Honakoa hauek dira ekintza horiek:

Mugimendu askea

5-7 urte bitarteko haurrentzat prestatutako jarduera. Beraien mugimendu eta dantza askea bilatzeko ariketak egingo dituzte.

Ekialdeko dantza

7-12 urte bitarteko gaztetxoentzako jarduera. Bertan sabel dantzako teknikak jorratu ahal izango dituzte Maialen Kortadik gidatuta.

Jolas eszenikoa

Haur eta gaztetxoentzat prestaturiko jarduera. Adinen arabera talde ezberdinak sortuko dira- Bertan, gorputz adierazpena, inprobisazioa, pertsonaia ezberdinen sormena eta interpretazioa landuko dira jolasen bitartez.

Jarduera guztien prezioa hilean 23 eurokoa izango da. Kontakturako deitu 630 559 584 zenbakira.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide