Azaroa 2025
— 2025-12-03Irakurri 276. zenbakia hemen.
Albisteak
Herriarteko txapelketako partidak jokatuko dituzte asteburuan kiroldegian
Danbolin— 2022-05-11Hasi da 2022ko Gipuzkoako Herriarteko Txapelketa. 17 herrik hartuko dute parte eskuzko txapelketan, 15 gomazko paletaz, 9 pala motzez eta larruzko paletaz eta 3 zesta-puntaz. Zestoarrak eskuz eta gomazko paletaz arituko dira, eta asteburu honetako hitzordua kiroldegiko pilotalekuan izango dute. Ostiralean Tolosaren aurka arituko dira eskuzko taldekoak, arratsaldeko 19:00etan hasita. Kadete mailan Aritz Alonso, Unai Lizarralde eta Aiert Uria arituko dira; jubeniletan, berriz, Ioritz Agirre, Mattin Eizagirre eta Xabat Artola eta nagusietan, Oier Urbieta, Julen Odriozola eta Ibai Salegi.
Igandean, berriz, gomazko paletazko pilotariek jokatuko dute, arratsaldeko 18:30etatik aurrera. Donostia izango dute aurkari eta hiru partida jokatuko dituzte: zazpiaren barruan bakarka, frontoi osoan bakarka eta bikoteka. Josu Etxabe, Juan Jose Odriozola, Josu Rodriguez, Mikel Diaz eta Manex Odriozolak osatu dute Zestoako taldea.
Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 36 euroko diru ekarpena egiten duten 400 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.
Egin zaitez bazkide
Egin zaitez bazkide
Egin zaitez bazkide
