Albisteak

Igandean Herri Krosa prestatzeko bigarren entrenamendua izango da

— 2024-03-08

Pasa den igandean egin zuen Herri Krosa prestatzeko aurreneko entrenamendua Atletismo Taldeak. Aurtengo berrikuntza izan da entrenamendu saioena, izan ere herritarren parte hartzea sustatu nahi dute antolatzaileek, eta horretarako entrenamendu saio hauek aproposak direlakoan daude. Pasa den igandeko balorazioa oso ona izan zen eta igande honetan berriro errepikatuko dute saioa. Goizeko 10etan aterako dira kiroldegi ataritik.

Bertso bat ere prestatu du Atletismo Taldeak herritarrak animatzeko:

Martxoak hamazazpi
hori da eguna
Herri Krosaren arnas
eta oihartzuna
txiki, gazte nahiz heldu
zer alaitasuna
festa guztiona da
ez ahaztu laguna
Krosak eduki dezan
bere etorkizuna.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide