Albisteak

Iraetako bidegorrian konponketa lanak egiten ari dira

Iraetako bidegorrian  konponketa lanak egiten ari dira egunotan. Alde batetik, herriko argiteriaren kudeaketaz arduratzen den Tecuni enpresa hainbat farola konpontzen ari da. Horrez gain, gaur goizean zehar zuhaitz kimaketa handi bat egiten ari dira udal brigadako langileak.

Bestetik, joan den azaroa amaierako euriteek eragindako kalteak konpontzen ari dira. Orduan izandako lur-jausi batek bidean kalteak eragin zituen, dena lokaztuz. Orain, lokatz hori kendu eta bidea ondo jartzeko produktuak botatzen ari dira, lurra berdintzeko. Apurtuta zeuden baranda zatiak kendu eta berriak jartzen ere ari dira.

 

 

 

 




Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide