Albisteak

Iraetarrek jakinarazi dute santainesetako egitaraua

— 2024-01-07

Urtea hastearekin batera Santa Ines jaiak izango dituzte Iraetan eta dagoenekoz prest dute egitaraua. Gogoratu, gaur izango direla Santa Ines Pilota Txapelketako final erdiak. Hemen gainontzeko egitaraua:

Urtarrilak 20, larunbata

Haur jaioberriei ongi etorria egingo zaie. Iraetako Tren txikia ere izango da eta arratsaldean puzgarriak eta txokolatada ere bai.

Urtarrilak 21, igandea

Santa Ines eguna. 11:00eta Txupinazoa. Ondoren, auzoko jubilatuentzako hamaiketakoa Gure Ordeka elkartean. 12:00etan gaztetxoen pilota partidak. 12:30ean Iraetako pilota txapelketako finala. 12:30ean Santa Ines eguneko meza. 17:30ean Urrezko aizkora eta Errota harria jaialdia.

Urtarrilak 26, ostirala

XXXIII. Mus txapelketa Bekoetxen.

Urtarrilak 27, larunbata

Eguerdiko 13:00etan Pintxo lehiaketa Gure Ordeka elkartean eta ondoren pintxo bazkaria egingo dute bertan. 19:30ean Triki poteoa, frontoitik hasita. Gaueko 21:00etan afari herrikoia, garagardo-afaria: saltxitxak, txerri saiheskia (aukera beganoa ere izango da) eta postreaz gain zerbeza nahi adina. Ondoren, Dj Olber.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide