Albisteak

[ARGAZKIAK] Itxaropena dantza taldeak emanaldi bikaina eskaini zuen beste urte batez ostiralean

— 2022-06-19

Beroak ez zituen herritarrak beldurtu eta frontoia gutxitan bezala ezker, eskuin, goi eta behe bete zen Itxaropena dantza taldearen ikuskizunerako ostiral gauean. 60 dantzarik hartu zuten parte ekitaldian: 40 ume eta 20 heldu. Musikaz, Garikoitz Mendizabal, Aitor Furundarena eta Jon Mendizabal arduratu ziten. Euskal Herriko hainbat festa eta erritutatik abiatuta aritu ziren dantzan, hala nola udazkeneko uzta jasotze garaia, neguko festetako inauteriak, udaberriko emankortasunari lotutakoak eta udako festetako dantzak. Ohiko dantzez gain berrikuntzak ere izan ziren emanaldian eta tartean joaldun, Ziripot eta Mielotxinen bisita ere izan zen. Herritarrek gogoz txalotu zuten Itxaropena dantza taldearen lana.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide