Albisteak

Kiroldegiko sauna zerbitzua erabilgarri izango da astelehenetik aurrera

Datorren astelehenetik aurrera kiroldegiko sauna zerbitzua erabilgarri izango dela jakinarazi du Ana Carrere Zestoako  Kirol eta Jarduera Fisikoko Teknikariak. Pandemia dela eta, pertsona bakarra sartu ahal izango da aldi bakoitzean, etxe berean bizi direnak izan ezik, horiek binaka sartzeko aukera izango dute. Sauna erabiltzeko ez da hitzordurik hartu behar baina sartu baino lehen, sauna erabiliko dela jakinarazi beharko da kiroldegiko harreran. Txanda bakoitza 25 minutukoa izango da.