Albisteak

Sinatu berri duten hitzarmenaren helburua, Iraetako futbol zelaiaren eta Zestoako Herri Ikastetxearen teilatuetan plaka fotovoltaikoak jartzea da.

Argazkia: Zestoako Udala

Zestoako Udalak eta Argiolak, Zestoako Energia Berriztagarrien komunitateak, lagapen hitzarmen berria sinatu dute. Iaz, Udalak Aizarnako pilotalekuko teilatua eta Arroabeko eskolaren teilatuko zati bat utzi zizkion Argiolari; oraingo hitzarmenari esker, Iraetako futbol zelaiaren eta Zestoako Herri Ikastetxearen teilatuak ere utziko dizkio Argiolari. Helburua, epe laburrean bi eremu horietan ere plaka fotovoltaikoak jartzea da.

Udalak trantsizio energetikoaren arloan egiten ari den lanketa eta estrategiaren baitan, dagoeneko energia berriztagarrien lehenengo gunea martxan duela adierazi du. Kiroldegiko teilatuan jarrita dauden eguzki plaken bidez sortzen den energia %100ean Udalak bere erabilerarako da.