Albisteak

Urola eskualdeko Errezil bizirik, Oletan ere ez! eta Sañu bizirik taldeek, “Bizirik nahi ditugu! txiki askoren artean, lorpen handietara” lemapean dinamika berri bat jarri dute martxan. Karneterako tamainako argazki bilketa handia egingo dute.

Izan ere, azken hilabeteetan eskualdean makroproiektuen ezarpenari dagokionez ezer ez dela gertatu badirudi ere, multinazionalak ematen ari diren pausuak asko direla adierazi dute hurrengo testuaren bitartez. Enpresa hauen mugimenduen berri eman eta herritarrei berauen kontrako jarrera azaltzen jarraitzeko aukera emateko helburua du ekimenak. Hemendik eta urtea amaitu bitartean karneterako tamainako argazkien bilketa egingo dute, ondoren guztiekin mosaiko erraldoia osatzeko. Argazki hauek bidaltzeko modua, aurrez-aurre edota mendiakbizirik@gmail.com helbidera bidalita izango da. Datorren astean kaleko errifa tokatze zaio Sañu taldeari eta bertan ere argazkiak ateratzeko aukera izango dela jakinarazi du taldeak.