Albisteak
Mohamed Abdelaziz Mendebaldeko Saharako presidentearen heriotzagatik elkarretaratzea izan da
— 2016-06-02Zestoako WADNA Sahara Herriarekin Elkartasuna taldeak deituta elkarretaratzea izan da asteazken (Ekainak 1) arratsaldean. Aste honetan Mohamed Abdelaziz Mendebaldeko Saharako presidentea hil da, eta elkarretaratzearekin Saharar herriari elkartasuna adierazi nahi izan diote Zestoatik.
Mohamed Abdelaziz SEAD Saharako Errepublika Arabiar Demokratikoko presidentea eta Fronte Polisarioko idazkari nagusia zen 1976az geroztik. 68 urte zituen, eta gaixotasun baten ondorioz hil da.
Elkarretaratzea amaitzeko, idatzi bat irakurri zen Mohamed Abdelazizen omenez. Argazkian ikus daitekeen moduan, Udaleko balkoian ere Saharako bandera zegoen jarrita.
Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide!
Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.
Egin zaitez bazkide
Egin zaitez bazkide