Albisteak

Odola emateko aukera izango da ostiralean Alonderon

— 2023-05-22

Zestoako Odol Emaileen elkarteak antolatuta, odola emateko aukera izango da datorren ostiralean, hilak 26, Alonderon. Ateraldiak arratsaldeko 16:30etatik 20:30era izango dira, eta emaileek aurrez hitzordua hartu beharko dute. Asteazkeneko eguerdiko 12:00ak arte www.gotatanta.eus atarian eman ahal izango da izena, eta asteazkenetik aurrera, 628 048 866 telefono zenbakian.

Webgunean hitzordua hartzeko pausu hauek jarraitu behar dira:
https://www.gotatanta.eus/eu web orrian ordenagailuz edo mugikorraren bidez egin dezakezu.
Erreserbatu zita dohaintzan klikatu.
Lehenik, ordua aukeratu behar da, ondoren zure izen abizenak eta NAN zenbakia sartu. Adierazi baita ere zure lehen dohaintza den.
Klikatu GORDE botoian.
Gero mugikor zenbakia eta posta elektronikoa bete behar dira.
Pribatutasun politika eta ez naiz robota klikatu ondoren, BERRETSI HITZORDUA botoiari sakatu.
GARRANTZITSUA: Mugikorrean jasoko duzun kodea sartu behar duzu hitzordua amaitzeko.
Ondoren, SMS eta posta elektronikoa iritsiko zaizu hitzordua baieztatuz.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide