Albisteak

Orio eta Aginagara irteera egingo dute Zestoa eta Aizarnazabaleko jubilatuek

— 2024-05-14

Maiatzaren 23an, ostegunez beste irteera bat antolatu dute Zestoa eta Aizarnazabaleko jubilatuentzat.

Orio eta Aginagara irteera egingo dute. Orion mezetara joango dira 12:00etan, 14:00etan Aginagan bazkalduko dute sagardotegi menua eta jarraian dantzaldia izango dute. Goizeko 10:00etan izango da irteera Zestoatik eta parte hartu nahi dutenek, maiatzaren 20a baino lehen izena eman beharko dute 943 14 70 91 zenbakira deituta. Ekintzaren prezioa 40 erokoa izango da.

Argazkia: Turismo Gipuzkoa

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide