Albisteak

Parkea txukuntzeko lanekin hasi dira

Parkea txukuntzeko lanekin hasi dira aste honetan. Frontoiko ezker pareta atzeko belar gunea kentzen ari dira egunotan. Eremu horretan hormigoia botako dute “lekua irabazteko”  helburuarekin. Lan hori amaitutakoan, frontoiko ezker pareta garbituko dute. Lan horrek denbora gehiago emango duela jakinarazi du Udalak eta dena ekainerako amaituta izatea aurreikusten dute.

Dena amaitutakoan, parkeko gune hori argiztatuko dute eremuari “goxotasuna” emateko. Udalak ahalegin guztia egingo du lanek irauten duten bitartean herritarrei ahalik eta eragozpen gutxien sortzeko.




https://danbolin.eus/wp-content/uploads/2024/05/azokad_Mesa-de-trabajo-1-scaled.jpg