Albisteak

Datozen urteetan poltsa konpostagarriak banatuko dituzten saltokiak iragarri ditu Urola Erdiko Mankomunitateak. Zestoan, lau saltokitan banatuko dira. Herrigunean, Coviran, Miantxa eta Unide supermerkatuetan eta Arroabean, Ainhara ile-apaindegian.

Guztira, Azpeitian, Azkoitian eta Zestoan 14 establezimenduk jaso dute poltsak banatzeko diru-laguntza eta 2021eko uztailaren 1era arte esleitu zaie zerbitzua eskaintzeko aukera. Honen helburua, hondakin organikoen balorazioa, banaketa bereizia eta birziklapena sustatzea dira, baita herritar guztientzat hurbilagoak eta erabilerrazagoak diren entrega-guneak sortzea ere.