Wadna elkarteko kideak Tifundeko errefuxiatuen kanpalekura bidean dira saharar herriari laguntza emateko. Autoak, autobusak eta kamioiak materialez goraino bete dituzte.
Gaur goizean irten dira Zestoatik eta Gasteizen beste lagun batzuekin bildu ondoren, Jaenera abiatu dira. Han pasako dute gau gaur, eta bihar Almeriara iritsiko dira. Bertan, Aljeriara joateko ferrya hartuko dute eta handik, Saharara iritsiko dira, errepidez. Bueltako bidaia, abenduaren 12an egitea aurreikusten dute.