Albisteak

Santa Ageda bezpera ospatuko da astelehenan

Santa Ageda bezpera izanik eta ohiturari jarraituz, kantuz jantziko dira herri zein baserri inguruak datorren astelehenean. Urtero legez, herriko talde bat ibiliko da santa eskean. Goizeko 9:00etan hasi eta arratsaldera arte jardungo dute kantuan.

Goizean, Etorri eta Lili inguruetan ibiliko dira, trikitilari eta Gorka Olaizola, Danel Olano, Unai Sarasua eta Aitor Salegi bertsolariez lagunduta. Eguerdian, herriko kaleren bat egingo dute eta bazkalondoren, Akoara joango dira. Amaitzeko, arratsaldeko 18:30ak aldera herriko tabernak pasako dituzte. Aurten bildutako dirua Zestoako Caritasentzat izango da.

 

 




Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide