Albisteak

Hirugarren urtez jarraian antolatu da Sañu eguna. Aurtengoa, igande honetan izango da, apirilaren 27an. Agiro mendi kluba, Anaitasuna mendi bazkuna, Lagun Onak mendi bazkuna, Sokaitz eskalada taldea, Oletan ere ez, Sañu Bizirik, Txillarramendi auzo elkarteak eta Errezil bizirik taldeek antolatzen eta babesten dute egun hau.

Egitarauaren arabera, Piaspe proiektu eolikoaren inguruko azalpenak emango dituzte Sainoa mendian bertan, eta goizean zehar, auzotarrek salda eta pintxoak eskainiko dituzte, umeentzat jolasak izango dira, trikitilariak eta kamiseta salmenta postua ere bai.

Sainoara elkarrekin igotzeko hainbat aukera eskaini dituzte antolatzaileek

Zestoatik bertaratzeko, goizeko 9:00etan aterako dira Gurutzetik Agiro Mendi Klubekoak. Azpeititik, berriz, 9:00etan plazatik, Azkoititik 8:30ean liburutegi aurretik eta Errezildik, 8:00etan udaletxe aurretik.