Albisteak

Saseta defentsa sistemaren inguruko hitzaldia eskaini du Karlos Almorzak

— 2022-12-01

Zestoako Udalak legealdi honetan memoria historikoaren berreskurapenerako Aranzadi elkartearekin egindako hitzarmenaren baitan, 1936-1945 urteen artean gertatuaren ikerketari zegokion azken hitzaldia izan zen atzo arratsaldean Alonderon. Karlos Almorza Aranzadi zientzia elkarteko historialariak “Euskal nazionalismoaren aurreneko erresistentzia: Saseta Defentsa Sistema” hitzaldia eskaini zuen .Horrez gain, testigantzak jasotzeko Oroimen Bulegoa ere azken aldiz egon zen zabalik atzo.

Udalak eta Aranzadik memoria historikoa berreskuratzeko lanean jarraituko dute. Izan ere beste hitzarmen bat sinatu dute erakundeak eta elkarteak, eta hitzarmen horri esker 60. hamarkadatik gaur egunera arte indarkeria mota desberdinek Zestoan eragindako giza eskubideen urraketak ikertuko dituzte.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide