Albisteak

Sei kasu positibo atzeman dira asteburuan Zestoan

Osasun Sailaren datuen arabera, PCR probetan sei kasu positibo atzeman dira asteburuan Zestoan. Datu hauek kontuan hartuta, Covid-19aren agerraldia hasi zenetik, 47 kasu positibo zenbatu dira herrian. Egoera bere onera itzultzen ari da eta tabernek ireki dituzte ateak eta ekipamendu publikoak ere zabaldu dituzte gaur.
Ostiraletik igandera bitartean, Osakidetzak 24.986 PCR proba egin ditu EAE-n eta horietatik 1.231 positibo detektatu dira: 630 Bizkaian, 310 Gipuzkoan eta 258 Araban. Azken 72 orduetan, EAE-tik kanpo bizi diren 33 pertsonak ere positibo eman dutela jakinarazi du Osasun Sailak. Hiru lurraldeetan, 273 lagun daude ospitaleratuta, horietatik 55 ZIUn.



Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide