Albisteak

[TTAK!] Miren Nogales izango da ‘Herri txiki, infernu handi’ saioko aurkezle berria

— 2023-01-31

Berriak argitaratutako elkarrizketa:

Miren Nogales eta Mikel Pagadi (Argazkia: Orio Produkzioak)

Los Angelesko (AEBak) muino batean esan zuen agur atzo gauean Zuhaitz Gurrutxagak Herri txiki, Amerika handi programaren azken atalaren bukaeran. Pentsakor gelditu zen Mikel Pagadi, eta hara non, emakume gazte bat agertu zen. Hasi ziren solasean, eta Pagadik berehala egin zion proposamena Herri txiki, infernu handi aurkezteko. Miren Nogales (Zestoa, Gipuzkoa, 1991) izango da saio horretako aurkezle berria. Igande honetatik aurrera emango du ETB1ek bederatzigarren denboraldia.

Nogales aktorea da. Arte Dramatikoak ikasi zituen, Madrilen. Hiri horretan, askotariko lanak egin zituen, antzerkiarekin batera. Herri txiki, infernu handi ikustea gogoko izaten zuen. «Plana izaten zen aje pixka batekin burrito batzuk afaltzea, Herri txiki ikusi bitartean».

Hautaprobetara aurkeztu zenean, «jolas baten moduan» hartu zuen Nogalesek. «Ez nekien ondo zertan sartzen ari nintzen, baina ilusioa banuen». Proba Astigarragan (Gipuzkoa) egin zuen, Rambo ezizena duen gizon batekin eta haren familiarekin. «Primeran pasatu nuen. Gero, Zestoako taberna batean nintzen lagun batekin zerbait hartzen, eta dei bat jaso nuen. Etxera joan eta saiorako hartu nindutela jakitean, oihuka hasi nintzen. Ama eta biok pasilloan builaka aritu ginen, Operación Triunfo saioan kantari bat hautatzen dutenean bezala».

Jarraitu irakurtzen.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide