Albisteak

Gaurtik aurrera udal bulegoak herritarren harrerarako itxita egongo dela jakinarazi berri du Zestoako Udalak. Udal zerbitzuekin harremanetan telefono bidez edo telematikoki jarri ahal izango da.

Bestalde, herritarren mugimenduak mugatu direla gogorarazi dute.  Ondorengo zeregin hauetarako soilik irten daiteke etxetik eta kasu guztietan pertsona bakarra irtengo da zeregina burutzera:

• Elikagaiak, botikak eta oinarrizko produktuak erosteko.
• Osasun zentroetara joateko, aurre ordua hartuta izanez gero.
• Lanera joateko.
• Ohiko bizitokira itzultzeko.
• 3. adinekoak, adin txikikoak, menpekotasunen bat dutenak eta, oro har, egoera zaurgarriak daudenak artatu eta zaintzeko.
• Banketxera joateko.
• Ezinbesteko egoera baten aurrean.
• Behar bezala justifikatutako antzerako jarduera bat.