Albisteak

Udalak bisera babesleak banatu ditu jendaurrean lan egiten duten establezimenduetara

— 2020-04-11

Zestoako Udalak jakinarazi duenez, bisera babesleak eskuratu ditu Tolosako Lanbide Heziketa eskolatik. Boluntario talde bat ari da biserak ekoizten bertan, 3D inprimagailuak erabiliz. Zestoako Udala harremanetan jarri zen hango arduradunekin eta herriko merkatariei banatzea erabaki zuen

Atzo ekarri ziren biserak udaletxera eta gaur goizean prestatu dituzte udal ordezkari eta herriko boluntario sarearen parte diren hainbat herritarrek. Behin biserak prestatuta, jendaurrean lan egiten duten herriko establezimenduetara eraman dira, langileek babes-neurri bat gehiago izan dezaten.

Bisera hauek egunero desinfektatzea komeni da eta, Zestoako Udalak adierazi duenez, udaletxean geratzen dira oraindik, establezimenduren batek gehiago beharko balitu ere.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide