Albisteak

Udaleku irekietako guraso-bilerak egingo dituzte ekainaren 18 eta 20an

— 2019-06-14

Ekainaren 24ean hasiko dira aurtengo udaleku irekiak. Hasi baino lehen, gurasoei udalekuen inguruko azalpenak emateko bilera irekiak egingo dituzte. Ekainaren 18an, asteartean, Aizarnan egingo da aurreneko bilera 17:30ean eta Arroabean bigarrena 19:00etan. Ostegunean, hilak 20, gaztelekuan egingo dira Zestoari dagozkion bilerak; HHko haurren gurasoei zuzendutakoa izango da arratsaldeko 18:00etan eta LHko haurren gurasoentzat, 19:00etan.

Ekainaren 21ean, Barbantxo Aisialdi Taldekoek ikasturteko azken saioak egingo dituzte Arroabean (17:00-19:00) eta Iraetan (17:30-18:30).

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide