Albisteak
Umeen danborrada antolatzeko taldea osatzeko boluntarioak behar dira
— 2019-02-07Azken urtetan, maiatzaren 3ko umeen danborrada antolatzeko ardurak gurasoen artean banatu dira, umeen eskola-mailaren arabera. Aurtengoan ere, Zestoako Kultura Saila ekitaldia antolatzeko boluntario bila dabil. Horretarako, ardura hartu nahi duten gurasoek, otsailaren 15era arteko epea izango dute izena emateko. Danborrada antolatzeko prest daudenek Zestoako Kultur Etxearekin edo Itsaso Martirekin jarri beharko dute harremanetan.
Nahiko boluntario ez badago, LHko 3. eta 5. mailako gurasoen artean zozketa egingo da. Otsailaren 20an izango da hitzordua, arratsaldeko 17:00etan, Udaletxean. “Danborrada oso ekitaldi ederra eta hunkigarria izaten da bertan parte hartzen duten ume eta gaztetxoentzat eta, oro har, ikusleentzat eta, ondorioz, bertan inplikatzeko ahalegina egitea eskatzen dugu” azaldu dute antolatzaileek.
Egin zaitez bazkide