Azaroa 2025
— 2025-12-03Irakurri 276. zenbakia hemen.
Albisteak
Urola Kostako EH Bilduk maiatzaren 7ko herri galdeketari babesa eskaini eta baiezko bozka eskatu du
Danbolin— 2017-04-29Urola Kostako EH Bilduk agerraldia egin zuen ostiral arratsaldean Zarautzen. “Maiatzaren 7an, EH Bilduk BAI” izenburupean egin zuten agerraldia. Ekimenaren helburua maiatzaren 7an Zestoan, Orion, Getarian, Zumaian, Azkoitin, Aizarnazabalen, Errezilen eta Zarautzen egingo diren herri galdeketetan Euskal Herriaren independentziaren aldeko botoa bultzatzea izan zen.
Nika Lertxundi Getariako alkateak eta Arritxu Iribar Zumaiako zinegotziak hartu zuten hitza: “XXI. mendean ez dira arrotzak euren buruaren jabe egin diren herrien urratsak, dozenaka dira aurreko mendean independizatu diren herriak eta ez dira gutxi hamarkada honetan erreferendum bat egitea aurreikusten dutenak: Eskozia, Katalunia edo Faroe uharteak tarteko”.
“Datorren maiatzaren 7an, galdera bati erantzun beharko diogu Urola Kostako biztanleok: Nahi al duzu euskal estatu burujabe bateko herritar izan? Urola Kostako EH Bilduko hautetsiok argi eta garbi dugu: BAI, euskal estatu burujabe bateko herritar izan nahi dugu. Eta, zergatik? Aukera onena delako” adierazi zuten koalizio abertzaleko kideek.
Gure Esku Dago herri ekimena sortu zenetik Euskal Herriko 38 herritan egin dira herri galdeketak, eta 2017an 600.000 pertsona deituko ditu hautestontzietara.
Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 36 euroko diru ekarpena egiten duten 400 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.
Egin zaitez bazkide
Egin zaitez bazkide
Egin zaitez bazkide
IRUZKINDU