Albisteak

XIII. Gazteen Udako txapelketako finalak jokatuko dira ostiral arratsaldean

— 2023-08-31

Abuztuan zehar Abantzu Pilota Klubak antolatuta, XIII. Udako Pilota Txapelketa jokatu da. Ia amaierara iritsi da, izan ere, irailaren 1ean, ostiralean, arratsaldeko 18:00etatik aurrera jokatuko dira finalak. Antolakuntzak hitzorduan aldaketak izan daitezkeela jakinarazi du euria egingo balu, kiroldegiko lanak tarteko, hango frontoia ez baitago erabilgarri.

Asteazkenez benjamin mailako final aurrekoak jokatu ziren emaitza hauekin:

Manex Ostolaza 16 / Eneko Aranberri 12
Xuban Zabaleta 16 / Peru Aldalur 13Alebin-infantil mailan pilotari gutxiagok hartu dute parte, eta ligaxkaren ostean finalera sailkatu direnak Oier Mayo eta Mikel Zabala izan dira.Ostiralean honako karteldegia izango da, beraz:

1. partida: Manex Ostolaza / Xuban Zabaleta
2. partida: Oier Mayo / Mikel Zabala

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide