Azaroa 2025
— 2025-12-03Irakurri 276. zenbakia hemen.
Albisteak
Zestoa Asteasuren aurka Herriarteko pilota txapelketan
Danbolin— 2016-04-29Pasa den asteazkenean, apirilaren 27an, izan zen Gipuzkoako Herriarteko pilota txapelketako zozketa Donostiako Kirol Etxean. Zozketa horren ondorioz, Zestoa Asteasuren aurka lehiatuko da final-hamaseirenetan.
Herriarteko txapelketan hiru mailatan lehiatzen dira herrietako pilota elkarteak: kadeteak, jubenilak eta nagusiak. Joaneko partidak maiatzaren 8ko asteburuan jokatuko dira Asteasun, eta itzulerakoak maiatzaren 15eko asteburuan Zestoan.
Eskuzko txapelketan 25 herrik hartuko dute parte aurtengo edizioan, zortzi herri lehiatuko dira palaz eta 3 herri zesta-puntan.
Txapelketaren gaineko informazio guztia Gipuzkoako Pilota Federazioaren webgunean duzue: www.gipuzkoapilota.eus
Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 36 euroko diru ekarpena egiten duten 400 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.
Egin zaitez bazkide
Egin zaitez bazkide
Egin zaitez bazkide
IRUZKINDU