Albisteak

Zestoa Herriarteko Txapelketatik kanpo gelditu da

— 2021-05-24

Eskuzko taldea Alegian (Argazkia: Eduardo Agirre)

Herriarteko Txapelketako final-zortzirenetako joan eta etorriko partidak galduta, Zestoa txapelketatik kanpo gelditu da asteburu honetan.

Gipuzkoako Herriarteko Txapelketako final-zortzirenetako itzuliko partidak jokatu dituzte asteburu honetan. Palistek Andoaindarren aurka jokatu zuten eta ezin izan zioten lehenengo partidetan eskuratutako emaitzei buelta eman. Andoaindarren aurkako joan-etorria 0 eta 6 galduta, agur esan behar izan diote txapelketari.

Eskuzko taldeak ere ez du zorte handirik izan. Zestoako kiroldegian jokatu zituzten larunbatean itzuliko partidak Alegiaren aurka. 1 eta 5 galdu dute guztira eta hauek ere txapelketatik kanpo gelditu dira.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide