Albisteak

“Zestoa marrazkitan” egitasmoa jarri du martxan Ekain Guraso Elkarteak

— 2024-05-08

2024-2025 egutegia osatzeko Ekain Guraso Elkarteak “Zestoa marrazkitan” egitasmoa jarri du martxan. Haurrek beraien begietatik egindako marrazkiak jaso nahi ditu guraso elkarteak, “beraien auzoak, paisaiak, txokoak, jolasak, festak, abestiak, animaliak, koloreak…”.

Parte hartu nahi dutenek, barrenean atxikita dagoen dokumentua deskargatu beharko dute marrazkia egiteko eta datorren maiatzak 31n, ostiralean, Ekain guraso elkarteak udaletxe azpian jarriko duen mahaian entregatu beharko du, arratsaldeko 17:00etatik aurrera. Marrazkiaren atzo aldean parte hartzailearen izena, abizena eta maila jarri beharko dira.

Marrazki guztiekin osatutako egutegia irailean jarriko da salgai.

Marrazkia Ekain

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide