Albisteak
Zestoa Osasuntsuren urteko lehen saioa egingo dute urtarrilaren 11n
— 2021-12-31Zestoa Osasuntsu programaren 2022ko lehen saioa egingo dute urtarrilaren 11n: “Nola erabili internet” tailerra egingo dute arratsaldeko 17:00etatik 18:00etara bitartean jubilatuen tabernan.
Antolatzaileek azaldu dute Internet eta sare sozialen oinarrizko ezagutzari garrantzia eman nahi diotela: “Tailerraren helburua ezer, edo ezer gutxi, dakienarentzat baliabideak eskaintzea da. Beraz, internet mundura hurbiltzeko jakin-mina izan arren nola egin ez dakienarentzat, Zestoa Osasuntsuk antolatu duen tailerra ezin hobea izango da” azaldu dute. Hitzaldiak bi zati izango dituela jakinarazi dute: lehen zatian, WhatsApp edo antzeko aplikazioei buruz arituko da Mikel Irure eta bigarren zatian, Zestoako KZguneko koordinatzailea den Berex Ortizek, KZguneko geletan eskaintzen dituzten zerbitzu eta ikastaroen berri emango du.
Urtarrilaren 13an, berriz, ibililalditxoa egingo dute, goizeko 10:00etatik 12:00ak arte. Kiroldegiko emango diote hasiera saioari eta amaitu ondoren, mokadutxoa egingo dute.
Egin zaitez bazkide