Albisteak

Zestoako Udalak aho batez onartu zuen ostegunean, abenduak 19, udal plantillan aldaketak egitea lanpostuak egonkortzeko, behin-behinekotasuna murriztuz eta muga % 8an ezartzen duten Europako zuzentarauetara egokituz.

Onartutako neurrien artean, hauek nabarmentzen dira:

Plantilla organikoko lanpostu berriak:
Gizarte-langile bat dago eta bigarren bat egungo plantillara batuko da.
Arkitekto bat izango da, Aizarnazabal eta Mendaroko udalekin partekatua.

Aldi baterako lanpostuak plaza publiko bihurtzea:
Kirol-suspertzailea eta liburuzain lanpostuak lan-kontratuetatik funtzionario-plazetara igaroko dira.
Ondoren, plaza horiek lehiaketa publikoan irekiko dira.

Mikel Arregi alkateak azpimarratu zuen neurri horiei esker Udalaren lan-egonkortasuna bermatu eta barne-funtzionamendua hobetuko dela. Gainera, Zestoako Udalaren behin-behinekotasun tasek Europako araudiaren eskakizunak betetzen dituztela gogorarazi zuen.

Lan-egonkortasunari buruzko eztabaida bilkuraren bideoaren 14:58. minutuan ikus daiteke hemen: Abenduaren 19ko Ezohiko Udalbatzarraren bideoa