Albisteak

Zoroperi Eguneko egitaraua iragarri du Udalak

— 2022-12-20

Bi urteko etenaren ostean, zoroperiak ospatuko dira hilaren 26an herrian. Udalak egun horretarako egitaraua iragarri du, eta festa egunaren antolakuntzan parte hartu duten guztiei eskerrak eman dizkie erakundeak.

Hemen egitaraua:

10:00. Idiakaitz txistulari taldearen diana.
XXXI. Barazki eta fruta lehiaketa.
Urolako XXIII. Ezti lehiaketa eta erlezaintzari buruzko beste ekitaldi batzuk:

Erlea, erlezaintza eta erlauntza produktuen erakusketa didaktikoa. Azalpenak 12:30etik aurrera.
Erlauntzako produktuen dastaketa.
Haurrentzako tailerrak.

XXII. Zestoako Sagardo lehiaketa.
Horiez gain, herriko eta kanpoko artisauak eta salmenta-postuak.
11:00. Trikitilariak, kalejiran.
12:00. Trikitilariren emanaldia, plazan. Idiakaitz txistulari taldearen kalejira.
12:45. Barazki eta Fruta, Ezti, eta Sagardo lehiaketatako sari banaketak. Bertso-triki poteoa, Jexux Mari Irazu eta Oihana Iguaranekin, Erniarraitz taldeak antolatuta.
Ondoren, Sagardoa dastatzea, plazan.
14:00. Baba jana Gaztetxean.
17:15. Denok kiroldegira kalejiran txarangarekin.
Ondoren, Kirol jaialdia, Abantzu Pilota Klubak antolatuta (ikus xehetasunak egitarau berezian):

Pilota Jaialdiaren 3. eta 4. postuak: Arteaga-Alkantara eta Txapei III-Erasun.
Harri-jasotzaileak: Paulo Azpiazu – Karmele “Zelai” – Mikel “Urra” – Lierni osa.
Pilota Jaialdiko Finala: Sasiain-Garmendia eta Espinal-Alonso.

18:00. Baserria, umeentzako ikuskizuna, Kultur Etxean (Potxin eta Patxin).
19:30. Obaneuke erromeri taldea, udaletxeko arkupetan, afalordura arte.
22:00. Obaneuke.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.

Egin zaitez bazkide