Albisteak

Urte berezi honi amaiera polita eman asmoz proposamen bat luzatu du Agiro Mendi Klubak Gabonetarako; “11 tontor, 11 arrazoi”. Abenduaren 24rako egin du deialdia. Osasun arauak errespetatuz, lagun talde edo familian, talde txikitan Zestoako eta legeak baimentzen duen inguruko herrietako tontorretara joateko deia egin du; Andutz, Arauntza, Sañu, Santa Engrazia, Ertxiña, Amezti, Agiro, Sesiarte, Erlo, Indamendi, Gazume… Osatutako taldetxoek nora joango diren jakinarazi beharko dute agiromendi@gmail.com helbidera mezu bat bidaliz eta tontor hori zergatik aukeratu duten adierazteko aukera izango dute. Ondoren, tontorrean argazki bat ateratzeko konpromisoa hartuko du taldetxoak eta Agiroko kideei helarazi beharko diote hauek bilduma osa dezaten. Bestalde, klubeko kideak jakinarazi dutenez, beraiek prest daude laguntza behar duten taldeei esku bat botatzeko.  Jadanik izena ematen has daiteke.