Albisteak
14. Akoako Biran izena emateko epea zabaldu dute
— 2019-08-26Datorren irailaren 15ean korrituko da 14. Akoako Bira. Dagoeneko lasterketan izena eman daitekeela jakinarazi dute antolatzaileek www.herrikrosa.eus atarian edo Zestoako kirol aretoan. Parte hartzaileek 5€ ordaindu beharko dituzte baina lasterketa egunean, ordaindutako dirua itzuliko zaie dortsala jasotzerakoan.
Lasterketa goizeko 10:30ean hasiko da eta lasterkariek 7,8km-ko distantzia korritu beharko dute. Amaieran, parte hartzaile guztiei oparia emango zaie eta hamaiketako ederra egiteko aukera izango dute. Sari banaketan zozketak ere izango direla jakinarazi dute antolatzaileek.
Ikusi joan den urteko lasterketako argazkiak hemen.
Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide!
Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.
Egin zaitez bazkide
Egin zaitez bazkide