Albisteak
20:00etatik 20:15etara argiak itzaltzeko deia egin du Astinduk, ‘Batu indarrak, itzali argiak’ lemapean
— 2017-03-15Zestoako Astindu taldeak Azpeitiko Elkar-Ekin taldearekin elkarlanean deituta “argiak itzaltzeko” deia egin diete herritarrei. Zehazki asteazken honetan (martxoak 15) 20:00etatik 20:15etara argiak itzaltzeko deia egin dute, ‘Batu indarrak, itzali argiak’ lemapean.
Ekintza horretaz gain, GoiEner energia berriztagarrien sorkuntza eta kontsumo kooperatibako kideek gidatutako hitzaldi bat ere antolatu zuen Astinduk. “Energia enpresa handiak, argindarraren prezioen igoera, lehengaien urritzea… pil-pilean diren gaiak dira. Eta askotan erabaki horiek gure esku ez daudela iruditzen bazaigu ere, gure txikitik asko dugu egiteko” adierazi du Astinduk.
Hemen duzue Astinduk ateratako idatzia osorik.
Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide!
Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.
Egin zaitez bazkide
Egin zaitez bazkide