Albisteak

Datorren astean egingo da 2025eko festa batzordearen lehenengo bilera. Zehazki, martxoaren 25ean, asteartea, 18:30ean izango da Alonderoko aretoan.

Bileran, alde batetik, urtero jorratzen diren gaiak landuko dira: uda amaierako kontzertuak, festen datak zehaztea eta ekitaldi nagusiak antolatzea (zekorketak, pilota partidak, paella jana, umeen bazkaria…). Horrez gain, 2025eko festen aurrekontua aurkeztuko da eta lantalde boluntarioak osatzeko proposamena egingo da.

Bestalde, festa eredua berraztertzeko aukera ere eskaini nahi da batzorde honetan, hausnarketa bat bultzatuz: Nola antolatu festa inklusiboagoak?

Azkenik, urtero bezala, festak antolatzeko bilerara bertaratzea garrantzitsua dela nabarmendu nahi izan dute. Izan ere, erabateko lehentasuna izango dute aipatutako bileran proposatzen diren ekitaldiek. Beraz, festa herrikoi eta parte-hartzaileak nahi dituen orok badu hitza eta aukera ekarpenak egiteko.