Albisteak
42 herrtiarrek eman zuten odola atzo arratsaldeko odol ateraketan
— 2020-05-26Gipuzkoako Odol Emaileek antolatutako odol ateraldia izan zen atzo arratsaldean kiroldegiko frontoian. Guztira, 42 herritarrek eman zuten odola. Zestoako odol emaileen taldekoek eskerrak eman nahi izan dizkie emaileei, “beraien borondatagatik” eta Zestoako Udalari, “izan duten eskuzabaltasunagatik”.
Taldeko kide batek azaldu digu atzo goizean Donostiatik deitu ziotela Zestoako bi emaile konkreturekin harremanetan jartzeko. Emaile horiek O negatibo odol taldekoak izateaz gain, beste talde batean sartzen direla eta aste honetan egin behar duten gibel transplante batentzat behar zutela bien odola. Biak joan ziren atzo ateraketa egitera.
Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 30 euroko diru ekarpena egiten duten 350 bazkidetik gora ditugulako izan da. Mila esker bazkide!
Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.
Egin zaitez bazkide
Egin zaitez bazkide