Albisteak

Desalojo data gainean duten arren, hain zuzen ere, ostiral honetarako dago deitua, Gazte Asanbladak ekintzak antolatzen eta mobilizatzen jarraitzen du. Gaur, 20:00etan “Gaztetxearen aldeko kale buelta” egin dute, herritarrak egoeraren jakitun egin daitezen, eta bihar eta etzi errepikatuko dute ekintza berriz, ordu berean.

Aurreikuspenen arabera, ostiralean, uztailaren 19an, goizeko 8:00etan izango da desalojoa, baina hala eta guztiz ere Asanbladak mobilizazioez gain bestelako egitaraua ere prestatu du ordura bitartean:

Uztailak 17, asteazkena
19:00etan hasita, Futbito txapelketaren finala, kiroldegian. Ondoren, parrilada eta sari banaketa, Gaztetxean.

Uztailak 18, osteguna
18:30ean hasita, Ekidaren “Plaza hau gurea da” antzezlana, plazan. Ondoren, Rodeo eta Ezpalak musika taldeen kontzertu akustikoa. Gauean afaritarako aukera izango da Gaztetxean.