Azaroa 2025
— 2025-12-03Irakurri 276. zenbakia hemen.
Albisteak
[ARGAZKIAK] 17 lagunek parte hartu zuten Gurutzeaga txirrindulari elkarteak antolatutako irteeran
Danbolin— 2025-07-08Zestoako Gurutzeaga txirrindulari elkartearen ekimenez, 17 txirrindulari elkartu ziren joan den larunbatean, Zestoan hasi eta amaitu zuten irteeran parte hartzeko.
Bi ibilbide ezberdin egin zituzten txirrindulariek: alde batetik, itzuli motza egin zuten zenbaitek, Zestoatik abiatuta Orio eta Aiatik igaro ondoren herrira itzuliz. Bestetik, ibilbide luzeari ekin ziotenek Iturbururaino joan ziren, handik Tolosara, eta jarraian Alkiza, Asteasu, Andazarrate eta Aia zeharkatu zituzten, amaieran berriro Zestoara iristeko.
Bi ibilbideetako parte-hartzaileek Aian izan zuten elkargunea, bertan hamaiketakoa egin zuten indarrak berreskuratzeko. Jardunaldia borobiltzeko, txirrindulari guztiak batera mahaiaren inguruan bildu ziren bazkaltzeko.
Jarraian txirrindulari elkartekoek bidalitako argazkiak:
Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 36 euroko diru ekarpena egiten duten 400 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide.
Egin zaitez bazkide
Egin zaitez bazkide
Egin zaitez bazkide
