Albisteak

Itxaropenak eta AEKak egindako dantza ikastaroa “oso positiboa” izan da

Danbolin— 2016-03-18

Itxaropena dantza taldeak, AEKak eskatuta, fandango eta arin-arin ikastaroa egin du. Atzo bukatu zen lau klasetako ikastaro hori. Bai, AEKak eta bai Itxaropenak ere “oso positibotzat” jo dute ekimena.
AEKko ikasleek oso gustura aritu direla azaldu digute. Dantzak, azkarrak eta zailak direla diote. Dantzak ongi ikasteko denbora gehiago behar dela esan dute, baina oinarrizko pausoak barneratu dituzte.
Irati Aldaz, euskaltegiko irakasleak, ikastaroa oso positiboa izan dela dio, “ikasleak gustura ikusi ditut, euskara praktikatzeaz gain, euskal kultura ezagutzeko aukera izan dute”. Bestalde, herriko beste eragile batekin harremanak egin dituztela azpimarratu du eta aurrera begira elkarlanean jarduteko bidea zabaltzen lagunduko duela uste du.

Irakurle, gure webgunean albiste hau irakurri baduzu, publizitate eta erakundeen diru laguntzez gain, urtero 36 euroko diru ekarpena egiten duten 400 bazkidetik gora ditugulako izan da. Mila esker bazkide! Herri eta auzoetako berri euskaraz emanez, normalizaziora bidean gure ekarpena egiten jarraitu nahi dugu. Proiektua sendotzen lagundu nahi baduzu, egin zaitez bazkide. Egin zaitez bazkide

Egin zaitez bazkide